საერთაშორისო გამოცდილების მიღება და გაზიარება სსიპ კოლეჯ „მერმისის“ განვითარების ერთ-ერთი მნიშვნელოვანი მიმართულებაა. კოლეჯისთვის მნიშვნელოვანია, რომ საერთაშორისო შესაძლებლობები ხელმისაწვდომი იყოს როგორც პროფესიული განათლების მასწავლებლებისთვის, ისე სტუდენტებისთვის.

კოლეჯ „მერმისის“ მხარდაჭერითა და ხელშეწყობით, საქართველოს განათლების, მეცნიერებისა და ახალგაზრდობის სამინისტროს მიერ გამოცხადებული კონკურსის ფარგლებში, „კულინარიის ხელოვნების“ მიმართულების ორმა პროფესიული განათლების მასწავლებელმა: გოგი ბაზანდარაშვილმა და ხატია ნადარეიშვილმა მონაწილეობა მიიღეს საერთაშორისო სასწავლო ვიზიტში, რომელიც იტალიის ქალაქ კოლორნოში, ALMA – The School of Italian Culinary Arts-ში გაიმართა — საერთაშორისო მასშტაბით აღიარებულ კულინარიულ სასწავლებელში.

სასწავლო ვიზიტის ფარგლებში მონაწილეებმა მიიღეს როგორც თეორიული ცოდნა, ისე პრაქტიკული გამოცდილება იტალიური კულინარიის მიმართულებით და გაეცნენ თანამედროვე პროფესიულ და საგანმანათლებლო მიდგომებს.

მიღებული ცოდნა და გამოცდილება კოლეჯ „მერმისში“ ბრუნდება — ახალი პრაქტიკის, თანამედროვე მიდგომებისა და საერთაშორისო გამოცდილების სახით, რაც სასწავლო პროცესს კიდევ უფრო გაამდიდრებს და, საბოლოოდ, ჩვენი სტუდენტებისთვის მეტი შესაძლებლობის შექმნას შეუწყობს ხელს.

ჩვენ გვჯერა, რომ „მერმისი“ მხოლოდ პროფესიის შესწავლის ადგილი არ არის — ეს არის სივრცე, სადაც სტუდენტებს ეძლევათ შესაძლებლობა, მიიღონ თანამედროვე განათლება, გაეცნონ საერთაშორისო გამოცდილებას, განივითარონ პროფესიული უნარები და საკუთარ მომავალში ახალი შესაძლებლობები შექმნან.

საერთაშორისო გამოცდილება აძლიერებს როგორც მასწავლებლებს, ისე სტუდენტებს — ზრდის პროფესიულ შესაძლებლობებს, აფართოებს ხედვას და აკავშირებს ქართულ პროფესიულ განათლებას საერთაშორისო პრაქტიკასთან.

მერმისი — ადგილი, სადაც შესაძლებლობები იწყება და პროფესიული მომავალი იქმნება.

საერთაშორისო სასწავლო ვიზიტი განხორციელდა საქართველოს განათლების, მეცნიერებისა და ახალგაზრდობის სამინისტროს, პროფესიული განათლების დეპარტამენტისა და სსიპ კოლეჯ „მერმისის“ მხარდაჭერით, „პროფესიული უნარების განვითარების პროგრამების“ ფარგლებში.